Бухоро вилояти Ромитан туманида 78 нафар хотин-қизларга кўмаклашилди. 62 нафарига тикув машинкаси, 16 нафарига эса микротўлқинли печь берилди.

–  Хотин-қизларнинг ижтимоий-сиёсий фаоллигини ошириш, уларни ҳар томонлама қўллаб-қувватлаш, муаммоларини ҳал этиш, ижтимоий ҳимоясини кучайтириш, турмуш шароитини яхшилаш ҳамда бандлигини таъминлаш масалаларига алоҳида эътибор қаратилмоқда, –дейди Ромитан тумани ҳокими ўринбосари- Оила ва хотин-қизлар бўлими бошлиғи Зулхумор Аслонова. – Жойлардаги ҳоким ёрдамчилари тавсияси асосида ижтимоий ҳимояга муҳтож бўлган, ўзининг тадбиркорлик фаолиятини йўлга қўйиб, ўзини ўзи банд қилиш истагини билдирган, “Темир дафтар”, “Аёллар дафтари” ва “Ёшлар дафтари”га киритилган фуқароларга жиҳозлар топширилмоқда. Ҳар бир хотин-қиз билан алоҳида ишланиб муаммолари ўрганилмоқда. Уларнинг бандлигини таъминлашга алоҳида эътибор қаратилмоқда.  

Жорий йилда туманда 2900 нафар хотин-қизлар “Аёллар дафтари”нинг 3-босқичида рўйхатга олинган. Ҳозирги кунда 97 фоиз хотин-қизларнинг муаммолари тўлиқ ҳал этилди.  

Зариф Комилов,  

ЎзА