Рақамли трансформация рейтингида Божхона қўмитаси биринчи ўринни қўлга киритди
Ташкилотларда рақамли трансформация ҳолатини рейтинг баҳолаш натижаларига кўра, Божхона қўмитаси 98,9 фоиз натижа қайд этиб, 1 ўринни қўлга киритди.
Кейинги ўринларни мос равишда Солиқ қўмитаси ҳамда Олий таълим, фан ва инновациялар вазирлиги эгаллади.
Рейтингда республиканинг умумий ҳисобда 91 та ижро этувчи ҳокимият органлари, хўжалик бирлашмалари ва маҳаллий ижро этувчи ҳокимият органлари иштирок этди.
Маълумот ўрнида айтиш жоиз, мазкур рейтинг Вазирлар Маҳкамасининг 2021 йил 15 июндаги “Рақамли иқтисодиёт ва электрон ҳукуматнинг ривожланиш ҳолатини рейтинг баҳолаш тизимини янада такомиллаштириш чора-тадбирлари тўғрисида”ги қарори билан амалга ошириб келинмоқда.
Ташкилотларда рақамли трансформация ҳолатини рейтинг баҳолаш очиқлик ва электрон иштирок, электрон хизматлар, ахборот хавфсизлиги ҳамда фаолиятнинг рақамлашганлиги индекслари асосида амалга оширилади.
Ш.Маматуропова, ЎзА