“Казинформ” халқаро ахборот агентлиги хабар беришича, Қозоғистон ва Россия Федерацияси Иртиш дарёсида ГЭС қуриш имкониятини муҳокама қиляпти.
Қозоғистон энергетика вазири Алмасадам Саткалиев маълум қилишича, тегишли департамент Иртиш дарёсида янги ГЭС қуриш лойиҳасини кўриб чиқмоқда. Халқаро музокара давом этаётгани, ҳозирча режа босқичидаги лойиҳага алоҳида эътибор қаратилаётгани таъкидланган.
Лойиҳа илгари Булоқ ГЭС сифатида танилган Семипалатинск гидро электр станциясининг дастлабки номини олган.
– Иртиш чегара бўйлаб ўтади ва шу боис россиялик ҳамкасблар тажрибасини жалб қилиш мутлақо мантиқийдек туюлади, – деди вазир. – Бинобарин, ҳамкор танлаш бўйича якуний қарор Самрук-Казина жамғармаси ваколатига киради. Менимча, Россия компаниялари билан музокара олиб бориш, бошқа муқобил хизмат кўрсатувчи компаниялар билан келишиш ва давлат манфаатидан келиб чиқиб қарор қабул қилиш лозим. Ҳукумат вазиятни кузатиб боради.
Қайд этилишича, 2028 йил Кокшетау, Семей ва Уст-Каменогорскда учта янги иссиқлик электр станцияси ишлай бошлайди. Ҳозир Россия компанияси қурадиган бу объектлар қурилиш турли босқичда экани маълум.