“Қишлоқ қурилиш инвест” Фарғона вилояти филиалига янги раҳбар тайинланди
Исақов Хожиқўзижон Қосимжонович “Қишлоқ қурилиш инвест” масъулияти чекланган жамияти инжиниринг компанияси Фарғона вилояти филиали директори этиб тайинланди.
Х.Исақов Қўштепа туманида 1985 йилда туғилган. 2009 йилда Фарғона политехника институтини, 2013 йилда Тошкент давлат иқтисодиёт университетини тамомлаган.
“Дўстлик” ордени соҳиби. Халқ депутатлари вилоят Кенгаши депутати.
Меҳнат фаолияти давомида Марғилон шаҳридаги "426-хўжаликлараро ихтисослашган кўчма механизациялашган колонна" масъулияти чекланган жамияти раҳбарининг ўринбосари, 2013 йилдан ҳозирги кунгача ушбу МЧЖ раҳбари лавозимларида ишлаган.
М. Сулаймонов, ЎзА