Белгиянинг Гент шаҳрида қиличбозлик бўйича ўтказилган “Flemish Open” халқаро турнирида Ўзбекистон терма жамоаси аъзоси совриндорлар қаторидан жой олди.

Дунёнинг энг кучли қиличбозлари иштирокида ўтказилган турнирда ҳамюртимиз, Олимпия ўйинлари иштирокчиси  Зайнаб Дайибекова сабля йўналишидаги баҳсларда муносиб қатнашиб, анъанавий турнирнинг бронза медалини қўлга киритди. Мазкур йўналишда олтин медаль франциялик спортчига насиб этди.

Бугун, 28 сентябрь куни халқаро турнирнинг ўғил болалар мусобақасида мамлакатимиз терма жамоаси аъзолари совринли ўринларга даъвогарлик қилади.

Т. Рўзиев, ЎзА