Мажмуа ҳудуди 520 гектардан иборат бўлиб, адирлик қисмида “терраса” усулида узум, гилос ва олма боғлари ҳамда ўрмон барпо этилган.

Давлатимиз раҳбари 19 июнь куни Қашқадарёга ташрифи чоғида Шаҳрисабзда ноодатий ёндашув асосида илк бор ташкил этилган мазкур агротуризм мажмуасида яратилган шароитлар билан ҳам танишди.   

– Мазкур мажмуага Франциядан энг сара кўчатлар олиб келиниб, парваришлашда томчилатиб суғориш тизимидан фойдаланилади, – дейди Ўзбекистон товар-хомашё биржаси АЖ бошқаруви раиси Асадулла Қаюмов. –Шунингдек, 120 ўринли ресторан ва 100 ўринли меҳмонхона жойлаштирилган.   

Бундан ташқари,  агрологистика ва ўқув маркази, қайта ишлаш, сақлаш қувватлари қурилмоқда. 

Маълумот ўрнида айтадиган бўлсак, 7,5 минг тонна маҳсулот етиштириш имкониятига эга ушбу мажмуанинг экспорт ҳажми 5 миллион долларга тенг.   

[gallery-24001]

Унда 100 та доимий ва 1,5 мингта мавсумий иш ўрни яратилади.   

Таъкидлаш лозимки, натижада ҳудуд аҳолиси ва меҳмонларнинг мазкур боғда сайр қилиш, ўз қўллари билан мева териш, истеъмол ва харид қилиш имкониятлари яратилади.   

<iframe width="791" height="442" src="https://www.youtube.com/embed/zp0yzM21EUI" title="Noodatiy agroturizm majmuasi qanday imkoniyatlarga ega?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Абдулазиз РУСТАМОВ,

Носиржон ҲАЙДАРОВ (фото, видео), ЎзА