Қашқадарё вилоятида ҳам эрта тонгдан сайлов жараёни кўтаринки руҳда бошланди. Овоз бериш жараёни Сайлов кодексида белгиланган талаблар асосида амалга оширилмоқда.

Жумладан, Қарши шаҳридаги 4-сайлов участкасида ҳам аҳоли овоз бериш жараёнларида фаол иштирок этмоқда. Маълумотларга кўра, мазкур сайлов участкасида Геолог маҳалласида яшовчи 1 минг 591 нафар сайловчи рўйхатга олинган.

Қашқадарё вилояти ҳокими З.Мирзаев ҳам мазкур участкага бориб биринчилар қаторида овоз берди.

Маълумот учун, 13-Қашқадарё сайлов округидан олинган сайловчиларнинг электрон рўйхати асосидаги охирги маълумотларга кўра, округ бўйича сайловчиларнинг умумий сони 1 миллион 870 минг 805 нафарни ташкил этади ва шундан 143 минг нафари биринчи марта сайловда қатнашувчи ёшлардир.

 

Ўлмас Баротов, Жамшид Норқобилов (сурат) ЎзА