Пхеньяндан янги қурол: нишонни СИ аниқлайди
Шимолий Корея сунъий интеллект ёрдамида нишонни аниқлайдиган ва ўша томонга йўналадиган янги торпедо намойиш этган. Бу Пхеньяннинг сўнгги ҳафталарда ҳарбий салоҳиятни оширишга қаратилган қатор қурол синовларидан навбатдагисидир.
KCNA давлат ахборот агентлиги ёзишича, “Зам-2.0” номли янги тизим асосида нишонни аниқлаш ва ҳаракат йўналишини белгилаш учун сунъий интеллектдан фойдаланилади. Амалиёт давомида аслаҳани ҳаракатга келтирувчи тизими ҳам текшириб кўрилган.
КХДР бир неча кун олдин сув ости кемасидан учириладиган икки хил стратегик қанотли ракетани синаб кўрган эди. Сўнгги ҳафталарда баллистик ракета ҳам учирилди. Демак, Жанубий Корея билан кескинлик авж олган бир пайт Пхеньян ҳарбий захирани кучайтиришга астойдил интилаётгандек.
Мусулмон Зиё, ЎзА
