Путин: Умид қиламанки, ядро қуролига зарурат бўлмайди
Россия Президенти Владимир Путин Украина билан можарода ядро қуролига зарурат пайдо бўлмаслигига умид қилишини билдирди. Бу ҳақда "Politico" ёзди.
Унинг айтишича, урушни “мантиқий якуни”га етказиш учун Москвада етарли “куч ва воситалар” бор.
– Бизда 2022 йил бошланган амалиётни Россия талаб қиладиган натижа билан мантиқий якунига етказиш учун етарли куч ва воситалар бор, — деган РФ раҳбари давлат телевидениесига берган интервьюсида.
Ўтган йил ноябрь ойида Путин РФ ядровий доктринасининг янгиланган лойиҳасига имзо чеккан. Ҳужжатда дунё бўйича энг йирик атом арсеналидан қандай шароитларда фойдаланиш мумкинлиги белгиланган.
Мусулмон Зиё, ЎзА