Россия президенти Владимир Путин туркиялик ҳамкасби Режеп Таййип Эрдўғоннинг Туркияга қилган таклифидан фойдаланиб кўради ва эпидемиологик вазият ва иш жадвали имкон бериши биланоқ Туркияга боради, деб маълум қилди Россия раҳбарининг матбуот котиби Дмитрий Песков.
Бундан аввалроқ Эрдўғон Россия етакчисини Туркияга таклиф қилгани, Кремлдан жавоб кутаётганини айтган эди.
"Ҳа, ушбу мавзу президентлар Путин билан Эрдўғоннинг сўнгги алоқаларида бир неча бор кўтарилган эди", — деди Песков журналистларга.
Унинг таъкидлашича, ўзаро ҳукуматлараро комиссия ва икки президент раҳбарлик қилаётган икки томонлама муносабатларнинг олий органлари ўртасидаги учрашувларда ҳам қандайдир танаффуслар юзага келди. Эрдўғон ушбу тадбирларнинг барчасини Туркияда қабул қилишга тайёр эканини айтган, деб қўшимча қилди у.
"Президент Путин ушбу таклифни миннатдорлик билан қабул қилди. Икки давлат раҳбарлари эпидемиологик вазият ва иш жадваллари имкон бериши биланоқ, ушбу таклифдан албатта фойдаланишга келишиб олдилар", — деди Песков.