Президент қарори: эътибордан четда қолган ерлардан энди тўлиқ фойдаланилади
Республикадаги фермер хўжаликларининг дала четларида 58,9 минг гектарга яқин майдонлар бугунги кунда ер эгалари томонидан тўлиқ фойдаланилмаяпти.
Шу боис республикадаги фермер хўжаликлари дала четларидаги ер майдонларини ўзлаштириш, уларда қишлоқ хўжалиги маҳсулотларини етиштириш, уларнинг ишончли харидини ташкил қилиш ишларини тизимлаштириш мақсадида давлатимиз раҳбарининг “Қишлоқ хўжалиги корхоналари дала четларидаги ер майдонларида маҳсулот етиштириш тизимини такомиллаштириш чора-тадбирлари тўғрисида”ги қарори қабул қилинди.
Қарор билан қишлоқ хўжалиги вазирлиги ҳузуридаги Қишлоқ хўжалигида хизматлар кўрсатиш агентлигига фермер хўжаликларининг дала четларини ўзлаштириш, уларда маҳсулотлар етиштириш, етиштирилган маҳсулотларнинг ишончли харидини ташкил қилиш вазифаси юклатилди.
ЎзА