![](https://cdn.uza.uz/2022/08/30/13/34/G0I0aP6lhiXYX3AV7xv3yk6H5qA7tp40_normal.jpg)
Ўзбекистон Миллий ахборот агентлигининг ахборот узатиш хизмати бошлиғи Зиёдулла Жонибеков Президент фармонига кўра «Шуҳрат» медали билан мукофотланди.
Ўзбекистон Республикаси Президентининг 2022 йил 29 августда «Ўзбекистон Республикаси мустақиллигининг ўттиз бир йиллиги муносабати билан фан, таълим, соғлиқни сақлаш, спорт, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида»ги фармони имзоланди.
Ватанимиз мустақиллигини мустаҳкамлаш, Янги Ўзбекистонни барпо этиш йўлида амалга оширилаётган ислоҳотларга қўшган муносиб ҳиссаси, ўзининг ёрқин истеъдоди, кенг қамровли ижодий, илмий-амалий фаолияти билан халқимиз маънавиятини юксалтириш, мамлакатимизда илм-фан, таълим, спорт, маданият ва санъат соҳаларини ривожлантириш, ёшларимизни она юртга чексиз муҳаббат ва садоқат, умуминсоний қадриятларга ҳурмат руҳида тарбиялаш йўлидаги самарали хизматлари ҳамда жамоат ишларидаги фаол иштироки учун тақдирланганлар орасида ЎзА ходими ҳам борлиги агентлик жамоаси учун қувонарли хабар бўлди.
ЎзА