Жори йилнинг 4-7 сентябрь кунлари Татаристон Республикасининг (Россия) Мамадиш шаҳрида белбоғли кураш бўйича 2004-2006 йилларда туғилган ўғил болалар ва қизлар ўртасида жаҳон чемпионати беллашувлари бўлиб ўтди.
Ушбу жаҳон чемпионатида иштирок этган белбоғли кураш бўйича 34 нафар терма жамоамиз аъзоси (бош мураббий Бекберган Болтаев) 8 та олтин, 7 та кумуш ва 16 та бронза, жами 31 медалига эга чиқиб, умумжамоа ҳисобида фахрли биринчи ўринни эгаллади. Айнан 8 нафар чемпион спортчиларимиз шарафига мадҳиямиз жаҳон аренасида саккиз бора баралла янгради, Ватанимиз байроғи саккиз марта энг баланд кўтарилди.
Таъкидлаш жоиз, белбоғли кураш бўйича яна бир терма жамоамиз уч кун аввал Россиянинг Қозон шаҳрида ўтган илк МДҲ ўйинларида ҳам иштирок этиб, 7 та олтин, 3 та кумуш ва 1 та бронза медалларини жамғариб, умумжамоа ҳисобида биринчи бўлган эди.
Қуйида жаҳон чемпионатининг ғолиб ва совриндор спортчилари билан танишинг:
Олтин медаль соҳиблари:
-45 кг. Ҳабибжон Абдурашидов (Тошкент ш.)
-65 кг. Бек Комилов (Андижон)
-71 кг. Самандар Анваров (Фарғона)
-77 кг. Фарёзбек Козимов (Андижон)
-44 кг. Феруза Собирова (Наманган)
-52 кг. Дилдора Исроилжонова (Наманган)
-63 кг. Севара Шаженова (Қорақалпоғистон)
+70 кг. Шириной Юлдашева (Наманган)
Кумуш медаль соҳиблари:
-45 кг. Жасурбек Нишонбоев (Андижон)
-50 кг. Абдумалик Дилшодбеков (Андижон)
-71 кг. Мирзажон Мирзажонов (Наманган)
-77 кг. Самандар Абдусаломов (Наманган)
-95 кг. Илёсбек Мирзахматов (Наманган)
-44 кг. Меҳрибону Эгамова (Андижон)
-57 кг. Захрохон Маҳмудова (Фарғона)
Бронза медаль соҳиблари:
-50 кг. Жумабой Амиров (Навоий)
-55 кг. Акбаржон Убайдуллаев (Фарғона)
-55 кг. Асадбек Жалилов (Фарғона)
-60 кг. Одилжон Пазлидднов (Наманган)
-60 кг. Диёрбек Полвонбоев (Фарғона)
-85 кг. Имомали Толибов (Фарғона)
-95 кг. Анваржон Хўжамуродов (Наманган)
+95 кг. Жамшид Убайдуллаев (Тошкент ш.)
-48 кг. Албина Алламбергенова (Қорақалпоғистон)
-48 кг. Мушаррафхон Муродалиева (Фарғона)
-52 кг. Ясмина Содиқова (Наманган)
-63 кг. Моҳинур Раҳмонова (Хоразм)
-70 кг. Мадинабону Қахрамонова (Андижон)
-70 кг. Лаззат Толепбергенова (Қорақалпоғистон)
+70 кг. Ўғилой Салимова (Фарғона)
-57 кг. Гулбаҳор Миродилова (Фарғона).
Жавоҳир Тошхўжаев, ЎзА