Полина ва Мария "Guangzhou Open" жуфтлик ярим финалида
Хитойнинг Гуанчжоу шаҳрида теннис бўйича давом этаётган WTA 250 туркумига кирувчи "Guangzhou Open" турнирида Мария Тимофеева ҳамда Полина Кудерметова мамлакатимиз шарафини ҳимоя қилмоқда.
Ушбу тандем «Guangzhou Open» турнирининг жуфтлик баҳслари чорак финалида япониялик Эри Хозуми ва словениялик Андрея Клепач дуэтини 7:6, 6:1 ҳисобида таслим этди. Шу тариқа, Полина ва Мария мусобақанинг ярим финалида америклик Венус Уильямс ва индонезиялик Жанис Тьен жуфтлигига қарши кортга чиқади.
Маълмуот учун, мусобақанинг яккалик баҳсларида Мария Тимофеева иккинчи даврада Сунь Синьжань (Хитой) билан куч синашди ва кутилмаганда 3:6, 6:4, 7:6 ҳисобида имкониятни бой бериб қўйди.
Жавоҳир Тошхўжаев,
ЎзА
