Ўзбекистонга 660 минг доза COVID-19га қарши COVISHIELD вакцинаси келтирилмоқда
Ўзбекистон Республикаси Cанитария-эпидемиологик осойишталик ва жамоат саломатлиги хизматига Ҳиндистон давлатидан COVAX дастури орқали умумий нархи 1 миллион 980 минг долларлик 660 минг доза COVID-19га қарши COVISHIELD вакцинаси юборилмоқда.
ЮНИСЕФ ташкилоти томонидан муравват ёрдами сифатида юборилаётган ушбу юк бугун – 16 мартдан 17 мартга ўтар кечаси соат 01-55 да (Тошкент вақти билан) Тошкент Халқаро аэропортига етиб келади.
Ушбу вакциналар билан республикамизда аҳолини коронавирусга қарши эмлаш ишлари бошланади.
Моҳигул Қосимова, ЎзА