Ўзгидромет етакчи мутахассиси Эркин Абдулаҳатовнинг маълум қилишича, 17 апрель куни эрта тонгда Қорақалпоғистон Республикаси, Хоразм, Бухоро, Навоий вилоятлари ва тоғли вилоятларда ҳаво ҳарорати 0 даражагача тушиши кутилмоқда.

17 апрель куни совуқ антициклон таъсирида республиканинг шимолий ҳудудларида ҳаво ҳарорати нолдан пастга тушади. Устюртда кечаси ҳаво ҳарорати -2 ... -3 даражагача тушиши кутилмоқда.  

Хабарда қайд этилишича, ҳозирги мавсум учун тунда ҳаво ҳароратининг ноль даражага пасайиши, тупроқ сиртида ҳам ҳароратни сезиларли даражада пасайтириши бу қишлоқ хўжалиги учун "совуқ уриш" (заморозок) ҳодисасини келтириб чиқариши мумкин.  

ЎзА