Ўзбекистон ва АҚШ ҳамкорлиги янги имкониятлари муҳокама қилинди

Ўзбекистон ташқи ишлар вазири Бахтиёр Саидов АҚШ Давлат котиби жамоатчилик дипломатияси бўйича ўринбосари Сара Роджерс билан учрашув ўтказди.

Томонлар музокара давомида Ўзбекистон – АҚШ муносабатларининг таълим, маданият, ахборот алмашинуви ва жамоатчилик дипломатияси соҳасидаги ҳамкорлик масаласига алоҳида эътибор қаратилди.

Учрашувда икки мамлакат ўртасидаги стратегик шерикликни янада мустаҳкамлаш, халқлар ўртасидаги ўзаро англашув ва мулоқотни кенгайтириш муҳим экани таъкидланди.

Ташқи ишлар вазири Бахтиёр Саидов мазкур ташриф Ўзбекистон ва АҚШ ўртасидаги кўп қиррали ҳамкорликни янада ривожлантиришга хизмат қилишига ишонч билдирди.

Қайд этиш жоиз, АҚШ ва Ўзбекистон сўнгги йилларда таълим, маданий алмашинув, ахборот сиёсати ҳамда фуқаролик жамияти соҳасидаги ҳамкорликни фаол кенгайтириб бормоқда.

Д.Ҳакимов, ЎзА