Пойтахтимиздаги «International Hotel Tashkent» меҳмонхонасида 5 кун давом этган шахмат бўйича жаҳон чемпионати баҳслари ниҳоясига етди.

9 ёшдан 17 ёшгача бўлган мактаб ўқувчилари ўртасидаги дунё биринчилиги  ҳамда 20 ёшгача  бўлган ўсмирлар ва қизлар ўртасидаги жаҳон чемпионатида ғолиб ва совриндорлар аниқланди.  

Соврин жамғармаси 20 минг евро бўлган мазкур нуфузли мусобақада Озарбайжон, Беларусь, Хитой, Испания, Венгрия, Ҳиндистон, Эрон, Қозоғистон, Қирғизистон, Мўғулистон, Нигерия, Словения, Россия, Тожикистон, Туркманистон, БАА, АҚШ давлатларидан 300 нафарга яқин спортчи иштирок этди.

[gallery-18630]

Муҳиддин Мадаминов, Муҳаммадзоҳид Суяров, Хумоюн Бекмуратов, Алмаз Раҳматуллаев, Асроржон Омонов, Афруза Ҳамдамова, Гулдона Каримова, Умида Омонова, Мафтуна Бобомуродова, Озода Шаҳзодова, Гулхумор Нажмиддинова, Моҳизода Мухсинова каби иқтидорли спортчиларимиз юртимиз шарафини муносиб ҳимоя қилди ҳамда умумжамоа ҳисобида 1-ўринни эгаллади. Кейинги ўринлар Қозоғистон ҳамда FIDE номидан иштирок этган жамоага насиб этди.  

ЎзА фотомухбири 
Муҳаммад АМИН олган суратлар.