Ўзбекистон Республикаси Президенти ҳузуридаги Стратегик ва минтақалараро тадқиқотлар институти директори Элдор Арипов бошчилигидаги мамлакатимиз делегацияси Испаниянинг Малага шаҳрида бўлиб ўтаётган “Террордан холи келажак учун: Қонун ва инсон ҳуқуқи устуворлиги асосида фуқаролик жамияти барқарорлигини мустаҳкамлаш” халқаро конференциясида иштирок этмоқда.

Уч кунлик форумда БМТ бош котиби Антониу Гутерриш, БМТ ихтисослашган муассасалари, жумладан Инсон ҳуқуқлари бўйича кенгаш, ЮНИСЕФ, ЮНЕСКО, Цивилизациялар альянси раҳбарлари, Европа Иттифоқи, БМТга аъзо давлатлар юқори мартабали вакиллари иштирок этишяпти. Тадбир БМТ Аксилтеррор бошқармаси ва Испания ҳукумати томонидан ташкил этилди.