Ўзбекистон миллий автоспорт ва картинг федерацияси Халқаро мотоспорт федерацияси аъзоси бўлди
Испанияда ўтган Халқаро мотоспорт федерацияси(FIM)нинг Бош ассамблеясида Ўзбекистон миллий автоспорт ва картинг федерацияси FIM аъзоси бўлгани эълон қилинди. Ассамблеяда иштирок этган 95 та миллий федерация делегатларининг 98 фоизи Ўзбекистон миллий автоспорт ва картинг федерациясининг FIM аъзолигига қабул қилиш тўғрисидаги таклифни қўллаб қувватлади.
FIM бош котиб Алекс Той мотоспорт турлари бўйича мамлакатимизда ўтказиб келинаётган мусобақалар эътиборли эканлигини таъкидлаб, келажакда халқаро миқёсдаги мусобақаларни Ўзбекистонда ташкил этиш имкони кенгайганини эътироф этди.
Т.Рўзиев, ЎзА