“BBC Travel” глобал медиа портали маълумотларига кўра, Ўзбекистон 2025 йилда саёҳат қилиш учун энг яхши 25 та йўналиш рўйхатига кирди. Туризм Ўзбекистоннинг ўзига хос анъаналари ва маданий меросини сақлаш стратегиясининг муҳим қисмига айланиб бормоқда.

Мамлакат инфратузилмани жадал ривожлантирмоқда: янги меҳмонхоналар, юқори тезликдаги темир йўл маршрутлари, ички авиарейслар ва янгиланган маданий диққатга сазовор жойлар саёҳатчилар учун бетакрор имкониятларни яратмоқда.  Ўзбекистон ўзининг туризм брендини халқаро миқёсда фаол тарғиб қилмоқда. Сайёҳлик кўргазмаларини ўтказиш, халқаро форумлар ва маркетинг кампанияларида иштирок этиш потенциал сайёҳларнинг хабардорлигини ошириш ва эътиборини жалб қилишга ёрдам беради.  

Жумладан, 8 июль куни Ўзбекистон Туризм қўмитаси ва мамлакатимизнинг Кувайтдаги элчихонаси кўмагида “Ўзбекистон – Кувайт” халқаро туризм форуми муваффақиятли ўтказилди.

Тадбирда икки давлатнинг туризм идоралари, сайёҳлик компаниялари, авиакомпаниялар, савдо-саноат палаталари ва тадбиркорлар қатнашди. Форумда Ўзбекистоннинг туризм салоҳияти, бой маданий мероси, замонавий инфратузилмаси, шунингдек, зиёрат, тиббий, гастрономик ва экологик туризм имкониятлари кенг намойиш этилди.

<iframe width="560" height="315" src="https://www.youtube.com/embed/ohzi_uCidBU?si=zoAO_8iCNAaexOQu" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Зиёвуддин НУРИДДИНОВ, Искандар ИСМАТОВ, ЎзА