“Ойбек” чегара божхона постида ноқонуний заргарлик буюмлари ўтказилишининг олди олинди
Тошкент вилояти божхона бошқармаси “Ойбек” чегара божхона орқали қўшни мамлакатдан юртимизга кириб келаётган фуқаро хатти-ҳаракатлари божхона ходимларининг эътиборини тортди.
Ўтказилган шахсий кўрик натижасида фуқаронинг оёқ пайпоқлари ичига хуфиёна тарзда яширилган, умумий қиймати 95 миллион сўмлик жами 183 грамм бўлган заргарлик буюмлари борлиги аниқланди.
Маълумот ўрнида айтиш жоиз, жисмоний шахслар томонидан Ўзбекистон Республикасига қийматидан ошмайдиган, умумий оғирлиги 65 граммдан кўп бўлмаган қимматбаҳо металлар ва қимматбаҳо тошлардан заргарлик буюмларини олиб кириш мумкин.
ЎзА