Сўнгги йилларда ортиқча вазн ва семизлик нафақат эстетик муаммо, балки соғлиқ учун жиддий хавф сифатида тан олинмоқда. Қандли диабет, юрак-қон томир касалликлари, юқори қон босими ва уйқу апнеси каби касалликлар кўп ҳолларда ортиқча вазн билан чамбарчас боғлиқ.

Вазнни камайтиришнинг турли йўллари ичида бариатрик операция — яъни жарроҳлик йўли билан ортиқча вазнни йўқотиш — энг самарали усуллардан бири сифатида қаралмоқда. Бироқ, бу қарорни қабул қилишдан олдин унинг ижобий ва салбий жиҳатларини чуқур ўрганиш зарур.

Сабаби, ҳар қандай операция амалиётида бўлгани каби, ошқозон шунтлашдан сўнг ҳам салбий асоратлар юзага келиши мумкин.  

Организмлар эса турли инсонларда турлича — яъни ёндош, хамроҳ касалликларига кўра операция амалиётлари ҳам, даво муолажалари ҳам турлича таъсир қилиши мумкин.  

Демак, ҳар қандай мураккаб операция амалиётларини қўллашда шошилиш ярамайди.  

 Тиббиёт фанлари доктори, профессор — Мурод Ҳакимов билан шу мавзуда ўтказган суҳбатимиз қизғин бўлди.  

Профессор, суҳбат давомида шунингдек, семизликка сабаб бўлаётган асосий омиллар юзасидан ҳам тўхталиб ўтди.  

Батафсил “Саломат бўлинг” дастурида:

<iframe width="1326" height="746" src="https://www.youtube.com/embed/VoX9f8dZICk" title="Oshqozon shuntlash: ijobiy va salbiy jihatlari" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

 

М.Эшмирзаева, Д.Якубов, У.Тўхтаев, ЎзА