ФОТОРЕПОРТАЖ
Ўзбекистон касаба уюшмалари Федерациясининг Бухоро вилоят кенгашида ўтган давр мобайнида маънавий-маърифий ва спорт соҳасида амалга оширилган тадбирлар ва келгуси режалаштирилаётган истиқболли ишлар юзасидан матбуот анжумани ўтказилди.
Анжуманда Касаба уюшмалари томонидан амалга оширилаётган маънавий-маърифий ишларнинг таъсирчанлигини ошириш, қабул қилинаётган қонун ҳужжатларининг мазмун-моҳиятини кенг жамоатчиликка етказиш, ишчи-ходимларнинг дунёқарашини юксалтириш, мафкуравий иммунитетини мустаҳкамлаш борасида олиб борилаётган ишлар ҳақида маълумот берилди.
Тадбир доирасида 27 июнь – Матбуот ва оммавий ахборот воситалари ходимлари куни муносабати билан вилоятда фаолият олиб бораётган соҳа фаоллари ва меҳнат фахрийларини тақдирлаш маросими ташкил этилди.
[gallery-18043]
Шунингдек, Ўзбекистон касаба уюшмалари Федерациясининг вилоят кенгаши томонидан 2024 йилнинг иккинчи ярми давомида ўтказиладиган маданий-маърифий ва спорт тадбирларини Бухоро вилояти телерадиокомпанияси ҳамда “Бухоронома” ижтимоий-сиёсий газетаси таҳририяти томонидан ёритилиши бўйича уч томонлама ҳамкорлик режаси имзоланди.
Тоҳир ИСТАТОВ (сурат), ЎзА