O‘zbek adabiyotining yirik darg‘alaridan biri Muso Toshmuhammad o‘g‘li Oybekning “Oltin vodiydan shabadalar” asari kitob holida chop etildi.

O‘zbek adabiyotining yirik darg‘alaridan biri Muso Toshmuhammad o‘g‘li Oybekning “Oltin vodiydan shabadalar” asari kitob holida chop etildi.

Roman o‘zbek xalqining yaqin o‘tmishi, turmush tarzi haqida so‘zlaydi. Unda oddiy ishchilar hayoti keng yoritib berilgan. Asar o‘zbeklarning har qanday og‘ir damda ham o‘z metin irodasini ko‘rsata oluvchi xalq ekanligini, mehnatkash kishilarining betakror fazilatlarini namoyon etadi.

O‘z davrida taniqli adib Maqsud Shayxzoda ushbu asarga quyidagicha ta’rif bergan edi: “O‘zi himmatli ijodkor-mehnatchi bo‘lgan Oybek shuning uchun ham mehnat ahlini sevadi, lirikada bo‘lsin, dostonlarda bo‘lsin, roman yoki dramatik asarlarda bo‘lsin. Oybekning sevimli qahramoni mehnatkash ishchi va kosiblarni kuylaydi. Mehnatkash insonlardagi o‘lmas fazilatlarni g‘oyat kuchli bo‘yoqlar bilan tasvirlab beradiki, bu xususiyat Oybekning o‘zbek adabiyoti uchun qilgan eng katta xizmatidir”.

Ishchilar hayotiga bag‘ishlangan “Oltin vodiydan shabadalar” romani 1950 yilda yozilgan.