Бокс бўйича жаҳон чемпиони, "Париж-2024" Олимпия ўйинлари олтин медали соҳиби бўлган истеъдодли боксчимиз Абдумалик Халоков жорий йилнинг 27 февраль куни Испаниянинг Севилья шаҳридаги "Centro Deportivo San Pablo" мажмуасида профессионал бокс оқшомида рингга кўтарилади.

Унда ўзбекистонлик чарм қўлқоп устаси, ярим енгил вазн тоифасида ўтадиган 6 раундлик жангда Венесуэла вакили Марлемброн Акуньяга қарши баҳс олиб боради.  

Айтиш лозим, ушбу баҳс 24 ёшли Абдумалик учун профессионал боксдаги иккинчи жанг ҳисобланади. Акунья эса бугунгача профессионал боксда 25 та жанг ўтказиб, 13 ғалаба, 11 мағлубият ва 1 та дуранг натижага эришган.

Т.Рўзиев, ЎзА