Оғир атлетика: Диёрбек муваффақиятга эришган қитъа чемпионатида Осиё рекорди янгиланди

Ўсмирлар ва ёшлар ўртасида ўтаётган Осиё чемпионати ҳамда “Марказий Осиё очиқ чемпионати”нинг ортда қолган иккинчи кунги мусобақалари янги рекордлар ўрнатилганлиги ҳамда ўзбекистонлик маҳоратли спортчилар учун катта имтиҳон ва тажриба майдони вазифасини ўтади.

Шиддатли кечган мусобақалар натижасида -60 кг вазн тоифасида баҳс олиб борган Филиппин вакили Жериc Иcон Кастро рақибларини катта устунлик билан ортда қолдириб, силтаб кўтариш машқида 144 кг натижа қайд этди ва ўсмирлар ўртасида Осиё рекордини янгилади.

Филиппинлик спортчининг икки машқ бўйича умумий натижаси 260 килограммни ташкил этди. У энг яқин таъқибчисидан 15 килограммга ўзиб кетди.

[gallery-30799]

Ўзбекистонлик спорт ишқибозлари учун эътиборли жиҳати, Марказий Осиё очиқ чемпионатининг -65 кг вазн тоифасида баҳс олиб борган ҳамюртимиз Диёрбек Одилов даст кўтаришда 127 кг, силтаб кўтаришда эса 153 кг натижа қайд этиб, икки кураш якунига кўра, 280 кг натижа билан ғолиблик шоҳсупасига кўтарилди.

Умумий кўрсаткичларга кўра, Диёрбек Одилов очиқ чемпионатда 2 та олтин ва 1 та кумуш медални қўлга киритди.

Мусобақалар давом этмоқда.

Т.Рўзиев, А.Мамадаминов (сурат), ЎзА.