Қозоғистоннинг Биринчи Президенти –Элбоши Нурсултон Назарбоев Нур-Султон шаҳрида бўлиб ўтаётган Осиёда ҳамкорлик ва ишонч чоралари бўйича Кенгаш вазирлар учрашуви 6 -йиғилиши иштирокчиларига табрик йўллади.

Мурожаатни Қирғизистон ташқи ишлар вазири ўринбосари Aқан Рахметуллин ўқиб берди.

Қозоғистоннинг Биринчи Президенти ўз мурожаатида, Кенгаш сиёсий яқинлашувнинг ягона халқаро тузилмага айланганини, Осиёда умумий ва инклюзив хавфсизлик ва барқарорликни таъминлаганини таъкидлади.  

"Форум 27 мамлакатни бирлаштиради, улар Осиёнинг 90 фоизини қамраб олади. У дунё аҳолисининг ярмини ташкил қилади, дунё ялпи ички маҳсулотининг 50 фоизини ишлаб чиқаради ва жаҳон иқтисодиётининг учдан икки қисмини таъминлайди. Осиёда ҳамкорлик ва ўзаро ишонч чоралари бўйича кенгашнинг 5 та саммити бўлиб ўтди. Унинг котибияти ва ишчи органлари, бизнес ва ёшлар кенгаши мавжуд. Aлоқалар глобал ва минтақавий даражада кўп томонлама тузилмалар билан ўрнатилади. Кенгаш БМТ Бош ассамблеясида кузатувчи мақомига эга. Бундан ташқари, кенгашнинг нуфузи, роли ва географияси ошиб бормоқда",  деди Элбоши.  

Шунингдек, Биринчи президент кенгаш ишида иштирок этаётган янги халқаро ташкилотлар сонининг кўпайиши бунинг исботи эканлигини таъкидлади.  

"Осиёда ўзаро ҳамкорлик ва ишонч чоралари бўйича кенгаш фаолият юритаётган йиллар давомида атрофимизда кўп нарса ўзгарди. Таъкидлаш жоизки, бугунги кунда Осиё дунёнинг муҳим сиёсий марказига айланди, у глобал ҳукмронлик ва совуқ уруш шароитида шериклик, тенглик ва ўзаро ҳамкорлик тамойилларига чақиради",  дейилади Нурсултон Назарбоев мурожаатида.

 "Осиёда ҳамкорлик ва ўзаро ишонч чоралари конференцияси Ташқи ишлар вазирларининг 6 -йиғилишида ОҲИЧК Донишмандлар кенгаши раҳбари лавозимига Нурсултон Назарбоев номзоди кўрсатилди, деб хабар беради "Kazinform" мухбири.