Нотариал идорага бормасдан амалга ошириладиган нотариал ҳаракат турлари кўпайди
Адлия вазирлигидан маълум қилишларича, нотариал идорага бормасдан туриб амалга ошириладиган нотариал ҳаракат турлари кўпайди.
Чунки вазирлик мутахассислари томонидан ишлаб чиқилган "E-notarius.uz" ахборот портали имкониятлари янада кенгайтирилди.
Эслатиб ўтамиз, мазкур портал орқали кўплаб нотариал ҳаракатларни дунёнинг исталган жойидан туриб расмийлаштириш мумкин.
Эндиликда портал орқали эр ва хотиннинг умумий мол-мулкни, шу жумладан, кўчмас мулкни тасарруф этиш бўйича битим тузиш учун хотин (эр)нинг розилик аризасини олиш мумкин.
Автомототранспорт воситасини тасарруф этиш (сотиш, ҳадя, қилиш, айирбошлаш, гаровга қўйиш ва бошқа турдаги тасарруф қилиш) ишончномаси, ҳужжатларнинг бир тилдан бошқа тилга тўғри таржима қилинганлигини шаҳодатлашни видеоконференция орқали (онлайн) нотариал расмийлаштиришни ҳам портал орқали бажариш мумкин.
Н.Абдураимова, ЎзА