21 март Наврўз байрами муносабати билан йўловчиларга қулайлик яратиш мақсадида жорий йилнинг 21, 22, 23, 24 ва 25 март кунлари 775/776-сонли "Самарқанд — Тошкент — Самарқанд" йўналишида "Афросиёб" электропоездининг қўшимча ҳаракати йўлга қўйилади.

«Ўзбекистон темир йўллари»АЖ матбуот хизмати хабарига кўра, поезд қуйидаги жадвал асосида ҳаракатланади:

775-сонли “Самарқанд — Тошкент” йўналиши: Самарқанд 11:11 — Тошкент 13:26;

776-сонли “Тошкент — Самарқанд” йўналиши: Тошкент 13:51 — Самарқанд 16:05.

Шунингдек, 20, 21 март кунлари Тошкент-Қарши йўналишида ҳам қўшимча "Афросиёб" электропоездининг қўшимча ҳаракати йўлга қўйилади:

762-сонли “Тошкент — Қарши” йўналиши: Тошкент 6:59 — Қарши 10:33;

761-сонли “Қарши — Тошкент” йўналиши: Қарши 16:44 — Тошкент 20:20.

Муҳайё Тошқораева, 
ЎзА