“Навоий кон-металлургия комбинати” акциядорлик жамияти, “Навоий уран” давлат корхонаси, “НКМК жамғармаси” давлат муассасаси ҳамда Навоий давлат кончилик институти ёшлари томонидан “Яшил макон” лойиҳаси доирасида “Яшил йиллик” умуммиллий тадбирида иштирок этиш мақсадида Қорақалпоғистон Республикаси Мўйноқ туманида “Кўнгиллилар экологик акцияси” ўтказилди.
НКМК ёшлар етакчилари Кенгаши ташаббуси билан ташкил этилган мазкур акцияни ўтказишдан мақсад, “Яшил йиллик” умуммиллий тадбирида фаол иштирок этинг!” шиори остида Мўйноқ туманидан 100 километр узоқликда жойлашган Орол денгизиниг қуриган қисмида 30 мингта саксовул кўчатларини ўтқазиш орқали “яшил қопламалар”ни барпо этишдан иборат.
Акция доирасида “Навоий кон-металлургия комбинати” акциядорлик жамияти томонидан Мўйноқ шаҳридаги умумтаълим мактабларга 5 та замонавий компьютер жамланмаси, 12,5 мингта электрон китоблар совға қилинди. Шунингдек, тадбир иштирокчилари Мўйноқдаги “Кемалар қабристони”да бўлди.
НКМК ёшлар етакчилари Кенгаши фаоллари ва Мўйноқ тумани билимдон ёшлари иштирокида “Заковат” интеллектуал ўйини ташкил этилди.
Абдували Бўриев, ЎзА