Навоий вилоятида жорий йил мактабни битириб ўқишга топширган абитуриентларнинг 71 нафари максимал балл тўплади. Бу ўтган ўқув йилидаги кўрсаткичдан 40 тага, яъни 77,5 фоизга кўп.

Уларнинг 34 нафари Навоий шаҳридаги умумтаълим мактаблари битирувчилари саналади. Жумладан, 11-умумтаълим мактабини тамомлаган 148 нафар ўқувчининг 16 нафари давлат имтиҳонида 189 балл тўплаган. Шунингдек, шаҳардаги 17-мактабдан 4 нафар, 16- ва 12-мактабдан 3 нафардан, 8- ва 19-мактабдан 2 нафардан, 1-, 6-, 7- ва 15-мактаблардан 1 нафардан битирувчи ёшлар ҳам максимал балл олишга муяссар бўлган. 

А.Бўриев, ЎзА мухбири