2021 йил 6 февраль куни Туркияда Ўзбекистоннинг Истанбул шаҳридаги Бош Консулхонаси ташаббуси билан Истанбул университети, Истанбул тижорат университети ва Тошкент давлат шарқшунослик университети ҳамкорлигида “Навоийни хотирлаш, англаш” номли халқаро видеоконференция бўлиб ўтади.

Буюк мутафаккирнинг ўзбек адабиётида, қолаверса бутун турк дунёсида тутган беқиёс ўрни, Навоий фаолиятининг улкан аҳамиятини очиб беришга қаратилган ушбу онлайн-тадбирда турк ва ўзбек олимларининг “Алишер Навоийнинг маданиятимиз ва тарихимиздаги ўрни”, “Алишер Навоий асарлари тилини ўрганишдаги муаммолар”, “Уйғурлар миллий шуури муҳофазасида Навоий ва унинг асарлари ўрни” мавзуларидаги маърузалар тангланади.

ЎзА аввал хабар берганидек, бугун Тошкент давлат шарқшунослик университетида “Алишер Навоий дунё шарқшунослари нигоҳида” мавзусида икки кунлик халқаро илмий-амалий анжуман ўз ишини бошлади.