Намангандаги маҳаллалардан бирида 250 қатновли замонавий поликлиника бунёд этилмоқда
Наманган шаҳрининг Ҳасанобод массиви Келажак тонги маҳалласида 250 қатновли оилавий поликлиника қурилиши бошланди.
Мустақиллик байрами арафасида фойдаланишга топширилиши режалаштирилаётган мазкур поликлиниканинг қурилиши учун 6 миллиард сўм маблағ ажратилган. Қурилиш ишларида “Сифат кафолат стандарт сервиз” корхонасининг 120 дан зиёд қурувчи-муҳандиси иштирок этмоқда.
– Маҳалламиз ва унга ёндош ҳудуд аҳли тиббий текширув, муолажа учун 4-5 километр масофани босиб ўтиб, шаҳар марказига боришга мажбур эди, – дейди маҳалла раиси Улуғбек Нажмиддинов. – Уйимизга яқин жойдан тиббиёт муассасаси қурилаётгани барчамизни шод этди.
[gallery-2032]
Ҳотам МАМАДАЛИЕВ (сурат), ЎзА