ФОТОРЕПОРТАЖ

Наманган вилояти Олимпия ва паралимпия спорт турларига тайёрлаш марказида баскетбол бўйича 2008-2009 йилларда туғилган ўсмирлар ўртасидаги “Golden Valley Cup-2025” халқаро турнири ўтказилмоқда.  

Турнирда  мезбонлар билан биргаликда Тожикистон, Қирғизистон, Туркманистон ва Қозоғистон Республикалари терма жамоалари иштирок этмоқда. 

Турнир доирасида бир неча кун давомида юқори даражадаги беллашувлар, драматик ўйинлар ва ёш баскетболчиларнинг маҳоратли ҳаракатларига гувоҳ бўламиз.

Мазкур мусобақа нафақат спорт, балки у халқлар ўртасида дўстлик ва ҳамжиҳатлик кўприги ҳамдир. Турнирда ёшлар спорт орқали ўзларини намоён этиш, халқаро тажриба алмашиш ва янги дўстлар орттириш имкониятига эга бўлмоқдалар.

[gallery-22995]

Ҳотам МАМАДАЛИЕВ (сурат), ЎзА