Мьянма давлатида юз берган ҳалокатли зилзиланинг аянчли оқибати ҳақидаги қайғули маълумотлар, афсуски, соат сайин эмас, дақиқалар ўтиб янгиланмоқда. Ҳозиргина ТАСС AFP ахборот агентлигига таяниб, аниқланган қурбонлар сони 1000 дан ошганини ёзди.

Атиги ярим соат олдинги “Myanmar Now” портали хабарида эса ҳаётдан кўз юмганлар 800 нафарлиги кўрсатилган. Эрталаб икки соатча аввал эса “France-Presse” зилзила натижасида 694 инсон ҳалок бўлгани, 1 670 киши жабрланганини маълум қилганди.

Албатта, йирик табиий офатлар учун бу табиий ҳолат. Қидирув-қутқарув ишлари давом этяпти, Вайроналар остидан одамлар пешма-пеш олиб чиқиляпти ва қурбонлар, жабрдийдалар рўйхати кенгаймоқда.