Mourinyo: “Bellingem «Oltin to‘p»ni yutishga qodir”
U nima qilishi kerakligini biladi va o‘zini qulay his qilmoqda.
“Real Madrid” bosh murabbiyi Joze Mourinyo jamoa yarim himoyachisi Jud Bellingemni “Oltin to‘p”ga munosib futbolchilardan biri deb hisoblashini aytdi.
“U o‘ziga ham, boshqalarga ham juda talabchan va bu menga juda yoqadi. Biz u bilan kelishib oldik: himoyalanayotganimizda uni ikkinchi chap qanot himoyachisi sifatida ko‘rishni istamayman. Avvallari bu ko‘p kuzatilardi. Hozir jamoani boshqacha tashkil qildik. U nima qilishi kerakligini biladi va o‘zini qulay his qilmoqda.
Men «Real»da «Oltin to‘p»ni yutishga qodir bir nechta futbolchi borligini aytgandim. Mana ulardan biri — Jud. Albatta, jahon chempionatida tarix yaratgan futbolchi ham bor. Ammo Judning yarim himoyadagi o‘yini — aql bovar qilmas darajada”, — dedi murabbiy.
Bellingem 2026/27-yilgi mavsumda 3 ta uchrashuvda 2 ta gol urib, 2 ta golli uzatma amalga oshirdi.
