Москва вилояти Истра шаҳридаги “Янги қуддус” давлат санъат музейида ўзбек-рус модернизмининг очилмаган қирраларини кенг жамоатчиликка намойиш этиш мақсадида “Оламлар орасидаги нур” номли кўргазма иш бошламоқда.

Ўзбекистон Маданият ва санъатни ривожлантириш жамғармаси ташаббуси билан ташкил этилган ушбу экспозиция ХХ асрнинг 20–30 йилларидаги иккита йирик санъат музей коллекцияларини бирлаштирган илк халқаро лойиҳадир.

Намойишга “Янги қуддус” музейи ва Савицкий номидаги Қорақалпоғистон санъат музейи коллекцияларига мансуб 40 нафар рассомнинг 160 дан зиёд рангтасвир ва график асарлари киритилган.

“Оламлар орасидаги нур” кўргазмаси эшиклари 2025 йил 30 майдан 8 ноябрга қадар санъат ихлосмандлари учун очиқ бўлади.

Кейинроқ кўргазма хусусида батафсил репортажлар берамиз. Бизни кузатиб боринг!

<iframe width="482" height="857" src="https://www.youtube.com/embed/0Uk4GyzfbNI" title="Moskva viloyatida O‘zbek va rus modernizmi namoyishi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Б.Худойбердиев, А.Аҳмедов (сурат, видео), ЎзА