ФОТОРЕПОРТАЖ
Халқимизнинг асрдан асрларга ўтиб келаётган миллий қадриятларини ёш авлод онгига сингдириш, анъана ва урф-одатларимизни кенг тарғиб қилиш мақсадида Республика Маънавият ва маърифат маркази Бойсун туман бўлинмаси томонидан “Миллий қадриятларимиз ва урф-одатларимиз бувижонлар талқинида” номли тадбир ташкил этилди.
[gallery-10462]
Туман ҳунармандчилик марказида ўтказилган тадбирда Республика Маънавият ва маърифат маркази туман бўлинмаси вакиллари, ҳунарманд бувижонлар ҳамда ёшлар иштирок этди.
Тадбирда уста-ҳунармандлар Малика Пошшоева ҳамда Санобар Орипова томонидан ҳунармандчиликнинг энг қадимий турлари, хусусан, ўзбек миллий каштачилиги санъати ҳақида маълумотлар берилди. Сўзана, палак, зардевор, дўппи сингари санъат намуналарини тикиш сирлари, унинг безак нақшлари ва техник усулларининг кўплиги айниқса, ёшларнинг ҳайратини оширди.
Жонибек ҚЎЗИМУРОДОВ(сурат),ЎзА