Ўзбекистонда метан газ қуйиш шохобчаларини (АГТКШ) ташкил этиш тартиби қатъий меъёрий ҳужжатлар асосида амалга оширилади. "Давлат экологик экспертизаси маркази" давлат муассасасининг Тошкент вилояти филиали бош эксперти Зуҳриддин Исмоилов шу юзасидан маълумот берди.

Метан газ қуйиш шохобчаси фаолиятини ташкил этишда "Давлат экологик экспертизаси маркази" давлат муассасасининг хулосасини олиш учун буюртмачилар томонидан риоя қилиниши зарур бўлган бир қанча экологик-ҳуқуқий нормалар мавжуд.  

Хусусан, корхона фаолияти давомида юзага келадиган барча чиқиндиларни тўплаш, ташиш, қайта ишлаш ёки зарарсизлантириш бўйича тўлиқ тизим яратилиши лозим.

Метан газ қуйиш шохобчалари фаолиятини йўлга қўйишда экологик хавфсизликка оид қуйидаги талаблар қатъий бажарилиши шарт: хавфлилик даражаси I, II ва III синфга мансуб бўлган чиқиндиларни қаттиқ маиший чиқиндилар вақтинча тўпланадиган майдончада сақлаш, ёмғир сувларини нефть ушловчи тозалаш иншоотида зарарсизлантирмасдан очиқ сув ҳавзаларига ташлаш, шунингдек, газ қувурлари ва ускуналари шикастланиши натижасида атмосфера ҳавосига узлуксиз газ сизиб чиқишига йўл қўйиш қатъиян ман этилади.  

Зуҳриддин Исмоилов суҳбат давомида шу ва бошқа тартиб ва талаблар бўйича батафсил маълумот берди.

<iframe width="560" height="315" src="https://www.youtube.com/embed/k5Nsr7nLyJo?si=69PPZDsra3keEEqK" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Тошқораева, ЎзА