Мамлакатимизда бўлиб ўтаётган сайлов жараёнларини 850 нафар хорижий кузатувчи кузатиб бормоқда. ЎзА мухбирлари халқаро кузатувчиларнинг юртимиздаги ушбу муҳим сиёсий жараёнлар ҳақидаги фикр-мулоҳазалари билан қизиқиб, уларни ўз ўқувчиларига тақдим этиб бормоқда.

Мальдив сайлов комиссияси раиси Фувад Товфиқ сайлов жараёнлари яхши ташкил қилинганини алоҳида эътироф этди:  

— Мен Ўзбекистон Марказий сайлов комиссияси Раисининг таклифига биноан Ҳинд океанидаги Мальдив оролларидан келдим. Ўзбекистонга биринчи марта ташриф буюрдим. Сайловда барча жараёнлар яхши ташкил қилинганини кўриб турибман. Европадан, Осиёдан, Африкадан ва бошқа турли давлатлардан сайловни кузатиш учун келган кузатувчилар учун ажойиб шароитлар яратилган.  

Бугун биз бешта ҳудудда бешта сайлов участкасини кўздан кечирдик ва сайлов жараёни жуда самарали ўтаётганини кўрдик. Ҳеч қандай муаммони кузатмадик. Ҳар бир фуқаро овоз бериш учун бюллетен олиш имкониятига эга. Шунингдек, биз электрон овоз бериш имкони мавжуд бўлган иккита сайлов участкасига ҳам бордик. Сайловчи электрон овоз бериш ёки бюллетен орқали овоз беришни хоҳласа, шунга имконият бор. Ҳар ким ўз хоҳишига кўра овоз бериш усулини танлай олади. Бу электрон овоз бериш йўлида жуда яхши қадам, деб ўйлайман. Чунки бугунги давр электрон овоз беришга ўтишнинг вақти келганини кўрсатмоқда. Мальдивда ҳали ҳам қоғоз бюллетенлардан фойдаланилади.  

<iframe width="560" height="315" src="https://www.youtube.com/embed/ZvlCu6NyJgA?si=Iwn96R3PkQ30KbSs" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Комилова,  

А.Содиқов, Ё.Мелибоев,  

ЎзА мухбирлари