Қўқон шаҳрида кросс югуриш ва спортча юриш бўйича U14, U16, U18, U20 ёшлар тоифалари бўйича ва катталар ўртасида Ўзбекистон чемпионати ўтказилди.

Кросс йўналиши бўйича турли масофага югуриш баҳсларида Жобир Қаҳҳоров, Шаҳриёр Бозоров, Элшод Неъматуллаев, Хондамир Хайруллаев, Сардор Умурқулов, Моҳинабону Комилова, Дилноза Ҳошимова, Саодатой Алижонова, Мунаввар Холтўраева ҳамда Муниса Аҳматқулова ўз ёш тоифаларида мамлакат чемпионига айланди.  

Спортча юриш бўйича ўтказилган баҳсларда Азизбек Оралов, Озодбек Саидов, Богдан Жадеев, Очилбек Ғайбуллаев, Асила Тошева, Дониёрбек Бурхонов, Дилнура Алиева, Мадина Эргашева, Сабрина Шералиева ва Холиса Зиёдуллаева белгиланган масофаларда маррага биринчи бўлиб етиб келди.  

Жавоҳир Тошхўжаев,

ЎзА