Жавоҳир Синдоров Ҳиндистонда дунёнинг энг зўр шахматчилари билан баҳслашади
Маҳоратли шахматчимиз Жавоҳир Синдоров эртага Ҳиндистоннинг Бангалор шаҳрида Глобал шахмат лигаси тизимида жамоалар ўртасида бошланадиган “Tech Mahindra Global Chess League” турнирида иштирок этади.
Глобал шахмат лигасининг 4-мавсуми ҳисобланган ушбу мусобақа давомида 6 та жамоа айланма тизимдаги баҳсларда куч синашади.
Жавоҳир Синдоров Бибисара Ассаубаева, Нихал Сарин, Даниил Дубов, Сара Хадем ва жамоа бош менежери Марк'Андрия Мауриццинини жамлаган “FYERS American Gambits” жамоаси таркибида дона суради.
Мусобақа низомига мувофиқ, 4-мавсум ўйинларининг илк турида “FYERS American Gambits” жамоаси Вишванатан Ананд, Арджун Эригайси, Ягиз Каан Эрдогмус, Катерина Лагно, Нино Бациашвили, Абхиманью Мишрадан иборат “PBG Alaskan Knights” жамоаси билан баҳс олиб боради. Ушбу ўйинда Синдоров собиқ жаҳон чемпиони Вишванатан Ананд қаршилигини енгишга ҳаракат қилади.
Мусобақанинг умумий мукофот жамғармаси 1 миллион АҚШ долларидан иборат этиб белгиланган.
Турнирда Магнус Карлсен сардорлигидаги "Alpine APL Pipers” жамоаси, Алиреза Фирузджа етакчилигидаги “Triveni Continental Kings” шахматчилари, Яна Непомнящий, Левона Аронян, Лейниер Домингес, Полина Шувалова каби кучлилардан иборат “Ganges Grandmasters”, Максима Вашье-Лаграв, Шахриёр Мамедьяров, Владимира Федосеев, Харика Дронавалли сингари зўрлардан ташкил топган “CheQ Mumba Masters” жамоаси “Tech Mahindra Global Chess League” турнирининг 4-мавсумида Жавоҳир Синдоров етакчилигидаги жамоага рақобат кўрсатади.
Турнир 13 сентябрга қадар давом этади.
Т.Рўзиев, ЎзА
