ФОТОРЕПОРТАЖ

Мактабгача ва мактаб таълими вазирлиги томонидан умумий ўрта таълим мактаблари ўқувчилари ўртасида буюк жадид аллома, адиб ва мутафаккирларимизнинг бой маънавий меросини кенг тарғиб қилиш, ёшларнинг маънавий дунёсини бойитиш мақсадида ташкил этилган “Жадидлар изидан” танловининг Бухоро вилоят босқичи ўтказилди.

Танлов бухоролик жадид Файзулла Хўжаев уй-музейида ташкил этилди. Тадбир аввалида Ф.Хўжаев ҳайкали пойига гулчамбарлар қўйилиб, унинг сиймога ҳурмат кўрсатилди. 

[gallery-20497]

Вилоят босқичида 26 нафар иштирокчи бошқотирма, савол-жавоб ва асар таҳлили шартлари асосида ўз билимини синовдан ўтказди. 

Якуний натижаларга кўра, 6-8-синфлар ўртасида ғолиблик Бухоро шаҳридаги 20-умумтаълим мактаби ўқувчиси Мадина Шароповага насиб этди. 9-10-синф ўқувчилари ўртасидаги баҳсларда Бухоро туманидаги 4-умумтаълим мактаби ўқувчиси Машҳура Толибова биринчи ўринни эгаллади. Улар танловнинг мамлакат босқичида вилоят шарафини ҳимоя қилади.

Тоҳир ИСТАТОВ (сурат), ЎзА