Ижтимоий тармоқлар ҳақида эшитар эканмиз, бу сўз энди ҳеч биримизга бегона ёки нотаниш бўлмай қолди. Марказ, шаҳарлардан тортиб олис, энг чекка қишлоқ, туманларгача кириб борган ижтимоий тармоқлар эндиликда етти ёшдан етмиш ёшгача бўлган инсонларнинг барчасига таниш ва қадрдон бўлиб қолди.

Маълумотларга кўра, юртимизда 6 миллиондан зиёд ўқувчи ва 1 миллиондан ортиқ талаба таътилга чиққан. Албатта, бу бўйича масъул ташкилотлар ёшларнинг таътил вақтини мазмунли ўтказиш бўйича зарурий шароитларни яратиш билан шуғулланишмоқда. Таътил мавсумида жойлардаги амфитеатр ва сайилгоҳларда ҳар куни концерт ва мусиқа кечалари ўтказиш, маданият ва истироҳат боғларида санъат кўргазмалари, шеърият кечалари ва интеллектуал ўйинлар ташкил этиш режалаштирилган.

Аммо ижтимоий тармоқлар шу даражада ҳаётимизнинг бир қисмига айланиб улгурганки, фарзандларимизни ижтимоий чеклов эмас балки тармоқлардан оқилона фойдаланиш, ўз билим ва кўникмаларини янада мустаҳкамлашга ўргатишимиз керак бўлади. Бугунги лавҳамизда мутахассис айнан ёзги таътилда фарзандларимизни ижтимоий тармоқ қармоғига тушиб қолмасликлари бўйича тавсияларни бериб ўтади.

<iframe width="650" height="420" src="https://www.youtube.com/embed/IEpuogh7nwQ" title="Ijtimoiy tarmoq “qarmoq“ga aylanmasligi uchun tavsiyalar" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, А.Аҳмедов (видео), ЎзА