Истанбулнинг Европа қисмидаги энг машҳур, диққатга сазовор жойлардан бири – Галата минораси 23 февралдан бошлаб бир ой муддатга жамоатчилик учун ёпилди. Бу ҳақда “Aнадолу” агентлиги хабар берди.

Мамлакат Маданият ва туризм вазирлиги маълумотига кўра, миноранинг саккизинчи қавати ўтган йил ноябрь ойида бино томи таъмири сабаб беркитилган. Ҳозирги иш иншоотнинг сейсмик чидамлилигини таъминлаш мақсадини кўзлаган. Бундан ташқари, минора фасадини қайта тиклаш ҳам режалаштирилган.

Қайта тиклаш жараёнида миноранинг асосий деворига 400 га яқин кўчманчи қуш ин қургани инобатга олинади.