"Анадолу" хабар беришича, ер силкиниши маҳаллий вақт билан 12:49 да қайд этилган. 6,2 магнитудали зилзила тафсилоти Туркия Фавқулодда вазиятлар ва табиий офатлар бошқармаси (AFAD) баёнотида келтирилган.

Зилзила ўчоғи маркази Мармара денгизининг Силиври вилояти ҳудудидаги қисмида, 6,92 километр чуқурликда бўлиб, ер қимирлаши қўшни вилоятларда ҳам сезилди.

AFAD Истанбулда соат 12:51 ва 13:02 да мос равишда 4,4 ва 4,9 магнитудали зилзилаларни ҳам қайд этди.

Ҳозирча қурбонлар, жароҳатланганлар ёки вайронагарчилик ҳақида маълумот йўқ. Президент Режеп Таййип Эрдоған воқеа муносабати билан ҳамдардлик билдириб, давлат идоралари вазият ривожини диққат билан кузатиб бораётганини таъкидлади.