Исроилликлар ва фаластинликларнинг ярашуви зиддиятни бартараф этишидан умид қилиб бўлмайди. БМТнинг фаластинлик қочоқларга кўмак бериш ва бу борадаги ишларни ташкиллаштириш бўйича Яқин Шарқдаги агентлиги (UNRWA) шундай ҳисоблайди.

Ўт очишни тўхтатиш дастлабки қадам, лекин бу барча муаммога ечим бўлмайди, деди агентлик директори Маттиас Шмале (Matthias Schmale) Женевадаги чиқиши чоғида. Унингча, Ғазодаги вазият, жумладан, бу ердаги иш жойларининг ташкил қилиниши билан боғлиқ. “Одамнинг иши бўлса ҳаёт учун ўзи пул ишлаб топади ва БМТдан умид қилиб ўтиравермайди”, деди у.

Айни бир пайтда Исроил мудофаа вазири Бени Ганц Ғазодаги ярашувдан қониқиш ҳосил қилишини таъкидлади. Унингча, ҳарбий куч ишлатиш даври ўтди, энди масаланинг ҳал қилинишидаги сиёсий босқич бошланади.