Инспекция ходимлари янги формада назорат ва профилактик тадбирларни олиб боради
Транспорт назорати инспекцияси ва унинг ҳудудий бўлинмалари ходимларининг идоравий формали кийимлари Вазирлар Маҳкамасининг тегишли қарори билан тасдиқланди.
Бу ҳақда Транспорт назорати инспекцияси матбуот хизмати хабар берди.
Қайд этилишича, инспекция ходимлари янги кўринишдаги формада назорат ва профилактик тадбирларини олиб боришади.
Эндиликда ходимларнинг лавозимини белгилаб берувчи елка белгилари (погонлари) ёқа қисмида эмас, балки елкаларида бўлади.
Маълумот ўрнида, инспекторларнинг елка белгилари (погонлари)да енги 13 мм бўлган икки қатор галун, галун тагида ўлчами 15 мм бўлган саккиз қиррали иккита ёки учта юлдуз ўрин олади.
Ш.Маматуропова, ЎзА