Ҳурмат Матрасулов Хива тумани ҳокими вазифасини бажарувчи этиб тасдиқланди
Халқ депутатлари Хива туман Кенгашининг навбатдан ташқари сессияси бўлиб ўтди.
Бу ҳақда Хоразм вилояти ҳокимлиги матбуот хизмати хабар берди. Сессияда ташкилий масала кўрилди. Хива тумани ҳокими лавозимида ишлаб келган О.Матёқубов эгаллаб турган вазифасидан озод қилинди. Сессияда вилоят ҳокими Ф.Эрманов сўзга чиқиб, туманни ижтимоий-иқтисодий ривожлантириш кўрсаткичларини таҳлил қилди, мавжуд муаммолар ва уларни бартараф қилиш бўйича олиб борилаётган ишларни танқидий баҳолади.
Вилоят раҳбари Хива тумани ҳокими лавозимига вилоят бандлик бошқармаси бошлиғи вазифасида ишлаб келган Ҳ.Матрасулов номзодини тавсия этди. Овозга қўйиш натижаларига кўра Матрасулов Ҳурмат Раҳимберганович Хива тумани ҳокими вазифасини бажарувчи этиб тасдиқланди.